Neytendasamtökin könnuðu framboð og verð á uppþvottavélum í byrjun febrúarmánaðar sl. og náði könnunin til 15 seljenda. Í ljós kom að úrvalið er mikið og hægt að velja á milli 168 véla, misjafnar af stærð.

Til voru 143 mismunandi vélar sem eru af hefðbundinni gerð (u.þ.b. 60 sm breiðar), en þær eru yfirleitt gefnar upp sem 12-14 manna vélar. Sú ódýrasta kostaði 59.995 kr. en sú dýrasta 399.000 kr. Af minni vélum (u.þ.b. 45 sm breiðar, 6-11 manna) voru til 25 mismunandi tegundir. Sú ódýrasta kostaði 44.995 kr. og sú dýrasta 219.995 kr. en báðar þessar vélar eru gefnar upp sem 6 manna vélar. Ýmist eru uppþvottavélarnar ætlað að falla inn í innréttingu eða eru frístandandi. Í könnuninni koma fram upplýsingar um þetta.

Í nýjasta Neytendablaðinu sem er væntanlegt til félagsmanna næstu daga er einnig gæðakönnun á 13 uppþvottavélum sem fundust hér á markaði í febrúar.

Báðar kannanirnar er aðgengilegar félagsmönnum Neytendasamtakanna hér á læstum síðum. Lykilorð og notendanafn er á bls.2 í Neytendablaðinu.  Félagsmenn geta líka sent fyrirspurn um lykilorð hér.

Siemens SN45M231 fékk hæstu einkunn í þessari könnun og þar með verma Siemens uppþvottavélar toppsætið á öllum norðurlöndunum.